“Faleminderit miq, Serbi dhe Srpska krenare”. Me këtë përshëndetje me shkronja të mëdha janë zgjuar sot banorët e Beogradit.
Në një kullë të lartë atje është vendosur flamuri i Serbisë dhe falënderimi që Serbia ia ka dedikuar shteteve që kanë votuar kundër rezolutës për Srebrenicë.
Në kullë, u shfaq një listë e vendeve që nuk votuan për Rezolutën për gjenocidin në Srebrenicë. U përfshinë edhe shtetet që abstenuan në këtë votim.
Asambleja e Përgjithshme e OKB-së në Nju Jork miratoi rezolutën për Srebrenicën me 84 vota “pro”. Nëntëmbëdhjetë shtete ishin kundër dhe 68 abstenuan.
Presidenti i Serbisë, Aleksandar Vuçiq, në seancë tha se “me miratimin e kësaj rezolute është tentuar t’u vihet vulë në ballë, por nuk ka pasur sukses”.
Rusia, Hungaria, Bjellorusia, Kina, Ishujt Komoros, Antigua, Siria, Kuba, Kongo, Republika Popullore Demokratike e Koresë, Republika Domenikane, Eritrea, Esëatini, Grenada, Mali, Nauru, Nikaragua, Sao Tome dhe Principe dhe Serbia votuan kundër rezolutës. .
Abstenuan: Algjeria, Angola, Argjentina, Armenia, Bahamas, Bahreini, Barbados, Benini, Butani, Botsvana, Brazili, Burundi, Kamboxhia, Kameruni, Kongo, Bregu i Fildishtë, Qipro, Republika Domenikane, Guinea Ekuatoriale, Etiopia, Gaboni, Gjeorgjia, Gana, Greqia, Guatemala, Guinea, Haiti, Hondurasi, India dhe Xhamajka.
Midis abstenuesve ishin gjithashtu Kazakistani, Kenia, Kiribati, Laosi, Libani, Lesoto, Madagaskari, Maldivet, Meksika, Mongolia, Mozambiku, Namibia, Nepali, Nigeria, Omani, Panamaja, Papua Guinea e Re, Paraguai, Peruja, Filipinet, St. , Saint Lucia, Saint Vincent Samoa, Seychelles, Sllovakia, Ishujt Solomon, Sudani i Jugut, Sri Lanka, Sudani, Surinami, Taxhikistani, Tajlanda, Togo, Trinidad Tobago, Tuvalu, Uganda, Emiratet e Bashkuara Arabe dhe Vietnami.
Vuçiq dhe mediat nën kontrollin e Presidentit të Serbisë po përpiqen me këmbëngulje të mashtrojnë opinionin duke i futur vendet që votuan kundër Rezolutës në të njëjtën shportë me vendet që abstenuan. Vuçiq heshti për faktin se edhe vendet që abstenuan, ose shumica dërrmuese e tyre, pranuan se në Srebrenicë ka ndodhur gjenocid, për dallim nga 18 vendet që i qëndruan përkrah Serbisë. /SB