Një aksident i rëndë ndodhi mbrëmë në aksin rrugor “Patos – Fier”, ku një mjet i tipit “Opel” u përplas me një mjet tip “Benz”.
Si pasojë e këtij aksidenti humbi jetën 58-vjeçari, Agron Saba, i cili ishte punonjës policie në Patos.
Mësohet se 58-vjeçari ishte me makinën e tij personale dhe se ishte jashtë orarit të punës.
Nga pamjet e siguruara nga ABC News, shihet se përplasja ka qenë mjaft e rëndë dhe dëmet e automjeteve janë të mëdha.