Presidenti francez Emmanuel Macron ka deklaruar se një operacion për rihapjen e Ngushticës së Hormuzit mund të nisë brenda dy ose tre ditësh pas konfirmimit të marrëveshjes kornizë mes SHBA-së dhe Iranit për përfundimin e konfliktit.
Duke folur në samitin e G7 në Francë, Macron tha se Franca dhe Mbretëria e Bashkuar janë të gatshme të veprojnë shpejt për të garantuar lirinë e lundrimit në këtë zonë strategjike.
Sipas tij, në operacion mund të përfshihen avionë ushtarakë, fregata dhe ekspertë për çminim, ndërsa aeroplanmbajtësja franceze “Charles de Gaulle” ndodhet në rajon dhe mund të angazhohet brenda pak ditësh.
Macron theksoi se veprimet do të koordinohen me SHBA-në dhe palë të tjera, me qëllim që rihapja e ngushticës të realizohet në mënyrë të sigurt dhe të qëndrueshme.
Sinjali – aty ku e vërteta flet para lajmit!