Mashkulli ideal për femrat shqiptare është ai që ka shumë para, merret me drogë dhe jeton jashtë Shqipërisë. Kështu u shpreh Luiz Ejlli gjatë një diskutimi mbrëmë në shtëpinë e “Big Brother VIP2”.
Teksa po mbahej një “talk show” me tema të ndryshme sociale, këngëtari i njohur përmendi një rast të një personi që donte të shkonte në palestër por këtij të fundit, i bënë të ditur se nuk ka nevojë për të por për para nëse do të tërheqë vajza, duke i treguar më pas bankomatin.
Po ashtu, Luizi tha se vajzat sot, shkojnë me pushime në jug, me idenë se do kenë çdo gjë të paguar nga çunat e Londrës.
“Ishim në tavolinë me shokë, erdhi një djalë dhe tha dua palestrën më të mirë se fillon plazhi. I thanë ja ku e ke përballë, ishte një bankomat. Mashkulli sot për femrat është mashkulli me lekë, po të marr unë termus dhe një çadër në shpinë, ngul çadrën, ma gjej një vajzë që më ngul sytë. Të ha aty buke e djathë e domate, e të lyhem me një krem 200 lekësh a po mi hedh kush sytë? Nëse mu nuk më shkëlqen qafa me 4 gisht flori, me derdh 4 shampanja, nuk bie dot në sy. Niset burri i botës i zë shezlongjet, rreshti i parë 100 euro, i dyti 50 euro pastaj janë 40, 30, 20. Për ça janë këto? Për të rënë në sy. Ky është ai për femrat.
Po ikin tre shoqe me pushime në jug me ndejur 20 ditë dhe secila prej tyre nuk ka më shumë se 200 euro në xhep, thonë shkojmë atje se nuk kemi nevojë me fut duart në xhep, se janë çunat nga Londra, që janë marrë me drogë dhe thonë ikim se atje na paguajnë me dreka, darka. Ça kanë me bo këta? Me u vesh sa ma hollë, me dal sa ma lakuriq e me i bo sytë bukur”, tha Luizi.
