Lojtarët e FC Prishtina rezultuan negativë të martën dhe të shtunën në Laboratorin Universitar të Gjibraltarit, ka zbuluar Drejtori i Shëndetit Publik.

Zbulimi vjen pasi skuadra kosovare duhej të pranonte humbjen në tavolinë kundër ekipit vendas, Lincoln Red Imps pasi tetë lojtarët e tyre rezultuan pozitivë nëlaboratorin e licensuar nga UEFA, Synlab, të shtunën.

Duke folur për GBC, Dr Sohail Bhatti tha se mospërputhja midis rezultateve negative të universitetit dhe pozitave të kthyera nga Synlab mund të shpjegohet me faktin se secili funksionon ndryshe dhe kanë qëllime të ndryshme, transmeton Gazeta Sinjali.

Dr Bhatti tha që laboratori universitar përdoret për kontrollimin e popullatës dhe ka proceset dhe pragjet e veta. Kjo, tha Dr Bhatti, është krijuar për të ofruar teste të shpejta “me koston e një saktësie të vogël”, megjithatë ai theksoi se kjo nuk ka rëndësi nëse mund të kapnim shumicën e infeksioneve në mënyrë që të ndalojmë shpërthimet.

Laboratori Synlab është një laborator diagnostikues që kërkon saktësi absolute në koston e kohës, pasi ato janë të dizajnuara për kujdesin spitalor.

Megjithëse është një kërkesë ligjore që shqyrtimi i COVID-19 të bëhet në Laboratorin e Universitetit të Gjibraltarit dhe megjithëse këto teste u kthyen negative, autoritetet e Gjibraltarit menduan se duhej t’i kërkonin Prishtinës të izolohej në bazë të tetë pozitiveve të kthyera nga Synlab. Qeveria mund të vendosë kufizime të tilla për këdo që “dyshohet se është i infektuar” me koronavirus./Gazeta Sinjali/