Në organizmin e Lojërat Mesdhetare Prishtina 2030 një kontribut të madh do ta jep edhe Qendra e Studentëve.
Përmes një njoftimi për medie, kjo qendër ka bërë me dije se do të akomodojë me mijëra sportistë nga vendet e ndryshme që do të jenë pjesëmarrës në këto lojëra.
“Jemi të lumtur t’iu njoftojmë se në arritjen historike të Kosovës për organizimin e Lojërave Mesdhetare Prishtina 2030 edhe Qendra e Studentëve do të japë kontribut në mënyrë që shteti ynë të arrijë suksesshëm të përmbushë këtë përgjegjësi të madhe, duke u shndërruar në “Fshat Mesdhetar”. Qendra jonë është përzgjedhur si vend për akomodimin e mijëra sportistëve që do të marrin pjesë në këtë organizim të përmasave ndërkombëtare”, është thënë në njoftim.
Qendra e Studentëve viteve të fundit është kthyer në një qendër moderne, e cila ofron kushte të mira.
“Qendra e Studentëve, ka pasur një zhvillim të hovshëm vitet e fundit dhe është një strehë e sigurte e plot rehati. Pastërti, qetësi, ushqim i shijshëm e i shëndetshëm do të ofrohet në Mensën tonë. Qendra e Studentëve viteve të fundit është kthyer në një qendër moderne, që garanton akomodim me të gjitha kushtet dhe me staf shumë mikpritës. Gjithnjë pjesë e ngjarjeve më të mëdha historike të Kosovës”, është thënë në njoftim.