Me vendim të qeverisë tashmë është kufizuar edhe veprimtaria e barnatoreve brenda orarit të caktuar 06:00-17:00. Por, sipas vendimit pas orës 17:00 veprimtaria e barnatoreve organizohet nëpërmjet kujdestarive të caktuara nga Ministria e Shëndetësisë në koordinim me Odën e Farmacistëve të Kosovës dhe komunat përkatëse.

Procesi i caktimit të kujdestarive po bëhet nëpërmjet rotacionit nga 680 barnatore të licencuara që ushtrojnë veprimtarinë në territorin e Republikës së Kosovës.

Për sot, e enjte, kryetari i Komunës së Prishtinës ka publikuar edhe barnatoret kujdestare të cilat do të punojnë në kryeqytet pas orës 17:00 e deri në mëngjesin e nesërm.

“Pesë barnatoret e mëposhtme punojnë sonte edhe pas orës 17:00, për çdo rast urgjent që mund të kenë qytetarët”, ka shkruar Ahmeti./Gazeta Sinjali/