Instituti Demokratik i Kosovës ka kërkuar nga autoritetet e Republikës së Kosovës që të jenë më transparent dhe të njoftojnë publikun mbi përmbajtjën e kësaj marrëveshje të arritur.

Ky institut u ka bërë thirrje autoriteteve kosovare që të përkushtohen në llogaridhënie, dhe të tregojnë për implikimet që mund t’i ketë kjo marrëveshje.

“Qytetarët e Kosovës janë të painformuar mbi përmbajtjen e saj dhe procesin vendimmarrës që i ka paraprirë arritjes së kësaj marrëveshjeje. Për më tepër, publiku nuk ka informacion për implikimet që kjo marrëveshje mund të sjellë, p.sh. me çfarë dokumente udhëtimi do të mundësohet udhëtimi i qytetarëve në mes të këtyre dy kryeqyteteve dhe çështje të tjera që derivojnë nga kjo marrëveshje”, thuhet në postim.

Ndryshe, diplomatët amerikanë e organizuan të hënën nënshkrimin e një marrëveshjeje mes Kosovës dhe Serbisë për rifillimin e fluturimeve komerciale me qëllim të përmirësimit të marrëdhënieve tregtare mes dy vendeve ballkanike./ Gazeta Sinjali/