Kryetari i Nisma Socialdemokrate, Fatmir Limaj, ka thënë se është duke i përcjellë me shqetësim deklaratat e kryetarëve të komunave të prekura nga koronavirusi sepse askush nga niveli qendror nuk po ju del në ndihmë për ta kapërcyer këtë situatë.

Limaj përmes një postimi në rrjetin social Facebook i ka bërë thirrje kryeministrit të vendit, Albin Kurti që t’i telefonojë dhe të i’u dalë në ndihmë kryetarëve të komunave në fjalë.

“Po i përcjellë me shqetësim deklaratat e kryetarëve të komunave të prekura nga korona virusi, siç janë Vitia, Klina, Malisheva, e Podujeva se askush nga niveli qendror nuk po i del në ndihmë për ta kapërcyer këtë situatë”
Kryeministër, thirri në telefon kryetarët e komunave ku janë paraqitur rastet se nuk infektohesh nga komunikimi”, ka shkruar Limaj në Facebook.

Ndryshe, në Kosovë para pak minutash janë konfimuar edhe katër raste të tjera të infektuara me koronavirus, duke e çuar në nëntë numrin e të prekurve./GazetaSinjali/