Lideri i delegacionit rus, Vladimir Medinksy, ka deklaruar të enjten para gazetarëve në Stamboll se Rusia është e gatshme të diskutojë për “kompromise të mundshme” dhe është në “atmosferë pune”.
Ai ka thënë se Rusia i konsideron bisedimet në Stamboll si vazhdimësi e negociatave të mëhershme ndërmjet dy vendeve në vitin 2022.
“Ne i konsiderojmë këto bisedime si vazhdimësi e procesit të paqes në Stamboll, i cili për fat të keq u ndërpre nga pala ukrainase”, ka deklaruar Medinsky.
Si kundërpërgjigje ndaj komenteve të presidentit ukrainas, Volodymyr Zelensky, i cili e vlerësoi përbërjen e delegacionit rus si “nivel i ulët”, Medinsky ka qartësuar se ekipi që ai e kryeson përbëhet nga “zyrtarë të lartë prej autoriteteve relevante”.
Sinjali – aty ku e vërteta flet para lajmit!