Lëvizja Vetëvendosje ka reaguar pas vendimit të Gjykatës Kushtetuese që i dha të drejtë dekretit të presidentit për mandatarin dhe i dha dritë të gjelbër formimit të qeverisë së re.
Në reagimin e Vetëvendosjes, të cilit ia ka bashkuar një video nga protesta e heshtur e sotme në sheshin e Prishtinës, thuhet se pjesëmarrja masive në këtë organizim dëshmoi se vullneti i qytetarëve është që të organizohen zgjedhjet sa më parë.
“Pjesëmarrja masive, e organizuar në formën e një performance sot, dëshmoi edhe njëherë se vullneti i shumicës së qytetarëve është që kriza politike të zgjidhet pa e shkelur kushtetutën, dhe e vetmja mënyrë për këtë është që të organizohen zgjedhjet sa më parë”, thuhet në reagimin e Vetëvendosjes. /Gazeta Sinjali/