Brazili e mposhti Serbinë me rezultat 2-0 në ndeshjen e tyre hapëse të Botërorit të Katarit.
Dy golat për brazilianët i realizoi sulmuesi Richarlison, në minutat 62′ 73′.
Festën e brazilianëve e riktheu në një frikë një shqetësim i Neymar, i cili u largua në minutën e 80-të.
Pas ndeshjes, Neymar u shfaq me një gjendje jo të mirë të kyçit të këmbës, duke shprehur shqetësime dhe pasiguri nëse do të jetë i aftë për ndeshjet e tjera.
Sidoqoftë, trajneri i Brazilit, Tite, ka folur rreth këtij lëndimi, dhe ka qetësuar tifozët, duke thënë se ai do të luajë në Kupën e Botës.
“Mos u shqetësoni, Neymar do të luajë Kupën e Botës. Ai do të vazhdojë të luajë, mund të jeni të sigurt për këtë”, deklaroi ai pas ndeshjes.
Ndërkohë Neymar nuk donte të komentonte për gjendjen e tij pas ndeshjes.
