Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit ka shqyrtuar shkresën e Malcolm Simmons, ish-kryetar i Asamblesë së Gjyqtarëve të EULEX-it, në të cilën bëhen të ditura disa shkelje që janë bërë në misionin e sundimit të ligjit, shkruan Gazeta Sinjali.

Në këtë komison është kërkuar që Simmons të raportojë para deputetëve për informacionet që ai posedon. Deputetja e AAK-së, Donika Kadaj Bujupi ka kërkuar që të votohet që Simmons të thirret për intervistë para komisionit.

E lidhur me këtë, nuk janë pajtuar nga Lidhja Demokratike e Kosovës. Kryetari i këtij komisionit, Shkëmb Manaj, tha se LDK-ja nuk e mbështet dëshminë e Simmons.

“Ky është qëndrimi zyrtar i LDK-së, që ne nuk e mbështesim dëshminë e z.Simmons, edhe para asnjë trupe të Kuvendit, ky ka qenë mision i BE-së nëse duhet të dëshmojë diku duhet të dëshmojë para parlamentit evropian”, ka thënë ai.

Pavarësisht qëndrimit të LDK-së, ky propozim ka kaluar me shumicë të votave.

“Me 7 vota për asnjë kundër dhe asnjë abstenim, miratohet propozimi i deputess së AAK-së që komisioni për legjislacion të dëgjojë dëshminë e Malcolm Simmons për të gjitha çështjet që ka ngritur ai”, tha Manaj pasi votuan deputetët./Gazeta SInjali/