Ministri i Jashtëm rus, Sergei Lavrov tha se forcat ruse do t‘u përgjigjen dërgimit të armëve të gamës së gjerë nga Perëndimi në Kiev në përpjekje të shtyjnë forcat ukrainase tutje nga kufijtë e saj dhe të krijojnë një zonë më të sigurt.
Në një intervistë për televizionin shtetëror rus, Lavrov tha se të gjithë donin që konflikti në Ukrainë, të cilën Moska e quan “operacion special ushtarak” – të përfundojë, por mbështetja e Perëndimit për Kievin luan rol të rëndësishëm se si Rusia i qaset fushatës, shkruan France24.
