Emisari Special i Bashkimit Evropian për dialogun Kosovë-Serbi, Miroslav Lajçak, po merr pjesë në Konferencën e Paqes dhe Rritjes së Qëndrueshme në Athinë.
Me anë të një postimi në rrjetin social X, Lajçak ka treguar rreth temave që janë diskutuar aty.
Ai tha se “nuk duhet humbur momentumi i anëtarësimit të Ballkanit Perëndimor në BE”.
“I pyetur për perspektivën e anëtarësimit të Ballkanit Perëndimor dhe rëndësinë e tij për të ardhmen në BE në Konferencën e Paqes dhe Rritjes së Qëndrueshme në Athinë, theksova se kemi një momentum të ri, i cili nuk duhet humbur”, shkroi ai.