Meksika ka kaluar ditën më të keqe me numrin e vdekjeve nga COVID-19.

Ministria e shëndetësisë e Meksikës raportoi të enjten 1,982 raste të reja të konfirmuara të infeksioneve me koronavirus dhe 257 vdekje shtesë, dita më vdekjeprurëse që nga koha kur pandemia arriti në vendin e dytë më të madh të Amerikës Latine, raporton Reuters

Shifrat e reja sjellin numrin e përgjithshëm të rasteve të konfirmuara në 29.616 dhe 2.961 vdekje. Sidoqoftë, qeveria ka thënë se numri i vërtetë i infeksioneve është dukshëm më i lartë se rastet e konfirmuara.

Zyrtarët meksikanë u kërkojnë banorëve të vëzhgojnë masat distancuese sociale përpara Ditës së Nënës të dielën dhe kanë mbyllur tregun kryesor të luleve të Meksikës dhe varrezat, ku njerëzit kanë tendencë të mblidhen për festën.

Ata madje kanë sugjeruar transferimin e festës në korrik

E konsideruar si një nga festat më të rëndësishme të Meksikës, Dita e Nënës përkon këtë vit me atë që llogaritin zyrtarët shëndetësorë, java kulmore për përhapjen e koronavirusit./ Gazeta Sinjali/