Kancelari austriak Karl Nehammer tha se do të takohet me presidentin rus Vladimir Putin të hënën në Moskë.
Kjo vjen pas një udhëtim të shtunën në Kiev, ku ai u takua me presidentin ukrainas Volodymyr Zelenskyy. Ai thotë se Austria është neutrale ushtarakisht, por ka një qëndrim të qartë për agresionin rus në Ukrainë.
“Unë do të takoj Vladimir Putinin në Moskë nesër. Ne jemi ushtarakisht neutralë, por kemi një qëndrim të qartë për luftën e agresionit rus kundër Ukrainës. Ai duhet të ndalojë! Ajo ka nevojë për korridore humanitare, një armëpushim dhe hetim të plotë të krimeve të luftës”, shkroi ai.
Austria është anëtare e Bashkimit Evropian dhe ka mbështetur sanksionet e bllokut 27-vendesh kundër Rusisë, megjithëse deri më tani ajo ka kundërshtuar ndërprerjen e furnizimeve të gazit rus. Vendi është ushtarakisht neutral dhe nuk është anëtar i NATO-s.
Ai do të jetë lideri i parë i një shteti të BE-së që viziton Rusinë prej fillimit të sulmit mbi Ukrainën më 20 shkurt të këtij viti.
Nehammer tha se ai po e bënte udhëtimin me iniciativën e tij dhe se ishte konsultuar me zyrtarët më të lartë të Bashkimit Evropian. Ai tha se ka informuar gjithashtu Zelenskyy dhe kancelarin gjerman Olaf Scholz, shkruan Washington Post.
