Artan Venhari, dyshohet se ka humbur jetën gjatë një fluturimi me parashutë në Prizren rethë dy orë më parë dhe një tjetër person ka mbetur i lënduar, raporton Sinjali.

Sinjali merr vesh se personi që ka humbur jetën në këtë aksident është Artan Venhari, 45-vjeçar.

Lajmi për vdekjen e një personi është konfirmuar nga Policia e Kosovës.

“Rreth orës 13:00, policia është njoftuar për një incident që ka ndodhur në Prizren, në zonën ku bëhen fluturimet me parashutë, ku ka qenë duke ushtruar grupi që bën fluturime. Nga informatat e para, një 45 vjeçar ka vdekur në vendin e ngjarjes, ndërsa një person është lënduar”, ka thënë Policia e Kosovës në Prizren.

Sipas Policisë së Kosovës, në vendin e ngjarjes aktualisht është policia e hetimeve rajonale të cilët po merren me rastin. Ndryshe, sezoni i fluturimeve me parashutë është hapur zyrtarisht në Prizren më 5 korrik.