Mëngjeset pritet të jenë me ngrica të lehta, nga e hëna deri të mërkurën.
Të enjten parashihen që vende-vende të ketë riga shiu.
Pas kësaj periudhe, parashikohet një rritje graduale e temperaturave në të gjitha rajonet.
E hënë, 07 prill 2025
Moti do të jetë kryesisht i vranët dhe me intervale me diell. Temperaturat minimale do të lëvizin nga -4C deri në -1°C, ndërsa ato maksimale nga 1°C deri në 4°C. Do të fryjë erë nga verilindja me shpejtësi 1-3 m/s.
E martë, 08 prill 2025
Parashikohet mot me vranësira të shpërndara dhe intervale me diell. Temperaturat minimale do të zbresin nga -4°C deri në -2°C, ndërsa maksimalet nga 3°C deri në 6°C. Era do të jetë e lehtë deri mesatare nga drejtimi i veriperëndimit
E mërkurë, 09 prill 2025
Do të mbajë mot i vranët dhe me intervale me diell. Temperaturat minimale do të lëvizin nga -3 °C deri në -1°C, ndërsa maksimalet nga 6°C deri në 9°C. Do të fryjë erë e lehtë kryesisht nga drejtimi i verilindjes.
E enjte, 10 prill 2025
Moti parashikohet i vranët dhe me intervale me diell . Vranësirat vende-vende parashihen të sjellin riga shiu. Temperaturat minimale do të lëvizin nga -1°C deri në 2°C, ndërsa ato maksimale nga 7°C deri në 11°C. Era do të fryjë nga verilindja me shpejtësi 1-4 m/s.
E premte, 11 prill 2025
Moti do të jetë i vranët dhe me intervale me diell. Temperaturat minimale do të lëvizin nga 0°C deri në 3°C, ndërsa maksimalet nga 9°C deri në 13°C. Do të fryjë erë nga drejtimi i veriperëndimit e lehtë deri mesatare.