Pas mbledhjes së Kryesisë së Kuvendit, shefja e Grupit Parlamentar të LVV-së, Mimoza Kusari-Lila, theksoi se është caktuar seanca për shqyrtimin e Projektligjit për Reformën e Administratës publike.
Po ashtu sipas saj do të shqyrtohet edhe Projektligji për Zyrtarë Publik dhe Ligjin për Paga. Ajo do të mbahet të enjten duke filluar prej orës 10:00.
“Është caktuar seanca e radhës së Kvendit të Kosovës, siç e dini dje është votuar procedura e përshpejtuar e shqyrtimit në lexim të dytë e ligjeve tepër të rëndësishme. Për reformën e administratës publike, projektligji për zyrtarë publik dhe ligji për paga. Ajo seanca do të mbahet të enjten në orën 10:00 sipas vendimit.
Të enjte gjithashtu Kuvendi do të bëjë shqyrtimin e Projektligjit për ratifikimin e marrëveshjes së Kredisë dhe Financave Publike. Seanca do të shqyrtojë në lexim të dytë projektligjin për ndryshimin e Ligjit për Agjencinë Kosovare për Krahasim dhe Verifikim e Pronës” tha ajo.
“Për të enjten në agjendë është edhe debati parlamentar në lidhje më raportin e Komisionit Evropian për Kosovën për vitin 2022 dhe shqyrtimi i raportit të Autoritetit të Aviacionit Civil ”, tha Kusari.
