image Kuvendi mban dy seanca, njëra është e jashtëzakonshme

Politikë

Kuvendi mban dy seanca, njëra është e jashtëzakonshme

news image

Kuvendi i Kosovës nesër do të mbajë dy seanca, njëra prej të cilave është seanca e jashtëzakonshme e thirrur nga Lidhja Demokratike e Kosovës, raporton Gazeta Sinjali.

Në këtë seancë pritet që të votohet Projektligji për Rimëkëmbje Ekonomike.

Seanca e parë pritet të fillojë në orën 10:00, ndërkaq seanca plenare, e cila është vazhdimësi e seancave të kaluara, do të fillojë nga ora 11:00.

Ky është rendi i ditës për seancën e dytë:

1.    Votimi i Projektligjit nr. 07/L-034 për ratifikimin e Marrëveshjes ndërmjet Qeverisë së Republikës së Kosovës dhe Qeverisë së Republikës së Italisë për transferimin e personave të dënuar,

2.   Shqyrtimi i parë i Projektligjit nr. 07/L-029 për ndryshimin dhe plotësimin e Ligjit nr. 04/L-089 për deminim humanitar,

3.   Shqyrtimi i parë i Projektligjit nr. 07/L-018 për ndryshim plotësimin e Ligjit nr. 05/L-132 për Automjete,

4.   Shqyrtimi i parë i Projektligjit nr.07/L-015 për ndryshimin dhe plotësimin e Ligjit nr.03/L-064 për festat zyrtare në Republikën e Kosovës,

5.   Shqyrtimi i Raportit vjetor të Komisionit të Pavarur për miniera dhe minerale për vitin 2019,

6.   Shqyrtimi i Raportit vjetor të Autoritetit Kosovar të Konkurrencës për vitin 2019,

7.   Shqyrtimi i Raportit vjetor të Fondit të Kursimeve Pensionale të Kosovës për vitin 2019,

8.   Shqyrtimi i Raportit vjetor të Autoritetit Rregullativ të Hekurudhave për vitin 2019,

9.   Interpelancë me Kryeministrin e Kosovës, z. Avdullah Hoti, sipas kërkesës së sipas kërkesës së deputetes Besa Ismaili-Ahmeti, mbështetur edhe nga 8 deputetë të GP të PDK-së, në lidhje me përgjegjësitë në raport me zhvillimet në procesin e dialogut në Bruksel lidhur me punën e grupeve teknike./Gazeta Sinjali/