Deputetët e Kuvendit të Kosovës do të mblidhen sot në dy seanca parlamentare.
Gazeta Sinjali ka siguruar rendin e ditës për dy seancat që do të mbahen sot.
Në seancën e parë e cila pritet të fillojë në ora 10:00 në rend dite janë katër pika: Pikat e papërfunduara nga seanca plenare e mbajtur më 22, 23, 24 shkurt dhe 16 mars 2022; Pika e papërfunduar nga seanca plenare e mbajtur më 24, 25 dhe 26 mars 2022; Pika e papërfunduar nga Seanca e Jashtëzakonshme e mbajtur më 15 mars 2022 dhe Pika e papërfunduar nga seanca plenare e mbajtur më 7 prill 2022.
Ndërsa në seancën e dytë e cila do të fillojë në ora 12:00 në rend dite janë 17 pika.
Kujtojmë se Kuvendi kishte seancë edhe gjatë së martës ku u diskutua për politikën e jashtme të Kosovës, por që përfundoi pasi ministrja e Punëve të Jashtme dhe Diasporës, Donika Gërvalla Schwarz, u largua nga salla.
Ky ishte shkaku që partitë e opozitës, Partia Demokratike e Kosovës dhe Aleanca për Ardhmërinë e Kosovës lëshuan sallën.
