Kryeministri Albin Kurti ka theksuar se është në fund të mandatit, prandaj edhe po kërkohet që në muajt e fundit të qeverisjes të diskutohet për një kohë sa më të përshtatshme për zgjedhjet e reja, raporton Gazeta Sinjali.
Ai tha se pret nga partitë opozitare që të dakordohen për një kohë që kur të vendoset për zgjedhjet e reja.
Komentet Kurti i bëri pas darkës që pati sot me liderin e PDK-së, Memli Krasniqi.
“Nuk shpërndahet Kuvendi me shumicë të thjeshtë, nevojitet edhe opozita”, tha Kurti kur u pyet për datën e zgjedhjeve.
Pjesë nga deklarata e tij:
“Diskutuam edhe për situatën në përgjithësi, edhe sa i përket ecjes së Kosovës në integrimet ndërkombëtare. Po ashtu diskutuam edhe për zgjedhjet e reja”.
“Ata e kanë përcaktuar kandidatin e tyre për kryeministër në zgjedhjet e ardhshme. Që nga marsi i këtij viti nuk mund të themi se zgjedhjet e radhës janë çështje të viteve, por janë çështje të muajve”.
“Ndaj edhe unë jam i interesuar që të diskutoj me PDK-në, LDK-në, e AAK-në, se cila është stina më e përshtatshme për zgjedhjet e radhës. Në përgjithësi, më mirë është pranvera ose në vjeshtë, e nëse shkon mandate deri në fund, i bie që zgjedhjet të mbahen diku në dimër”.
“Por, nuk dua që për këtë ta imponoj vullnetin tim, ose të them vetëm kështu se nuk mundet ndryshe. Le ta bëjmë debatin në kuadër të fushatës zgjedhore, ndërkohë që jemi pajtuar se kur do të jenë zgjedhjet. Na nevojitet edhe LDK-ja, edhe AAK-ja. Darka ka zgjatur shumë, por nuk jemi takuar kaherë”.