image Kujdes! Nëse keni këto probleme vazhdimisht me gojën, shkoni urgjent tek mjeku - Sinjali

Kujdes! Nëse keni këto probleme vazhdimisht me gojën, shkoni urgjent tek mjeku

news image

Një shenjë në gojë, e cila besohet se prek 90 për qind të të rriturve, duhet adresuar herët për të shmangur sëmundjen vdekjeprurëse.

Sipas studiuesve në Shkollën e Shëndetit Publik TH Chan të Harvardit, njerëzit që kanë një histori të sëmundjes së mishrave të dhëmbëve, gjithashtu kanë një rrezik më të lartë të kancerit të stomakut dhe ezofagut.

Duke u mbështetur në dy studime të mëdha, studiuesit zbuluan se njerëzit që kishin sëmundje të mishrave të dhëmbëve kishin një rrezik 43 për qind më të lartë për të zhvilluar kancer të ezofagut, dhe një shans 52 për qind më të lartë për të zhvilluar kancer të stomakut.

Studiuesit ekzaminuan lidhjen e sëmundjes parodontale me rrezikun e dy kancereve në gati 150 mijë njerëz nga dy studime të veçanta. Masat dentare, demografia, mënyra e jetesës dhe dietat u vlerësuan përmes një sërë pyetësorësh. Pas shqyrtimit të të dhënave mjekësore, ekipi zbuloi se kishte 199 raste të kancerit të ezofagut dhe 238 raste të kancerit të stomakut gjatë periudhës së studimit.

Ndër ata me një histori të sëmundjes së mishrave të dhëmbëve, humbja e një ose më shumë dhëmbëve u shoqërua me një rritje prej 59 për qind të rrezikut të kancerit të ezofagut, krahasuar me ata që nuk kishin histori të sëmundjes.

Studiuesit supozuan se ekspozimi ndaj baktereve të gojës dhe substancave që rrjedhin nga ato baktere mund të jenë përgjegjëse për rritjen e rrezikut.

Studiuesit përfunduan: “Së bashku, këto të dhëna mbështesin rëndësinë e mikrobiomës orale në kancerin e ezofagut dhe stomakut. Studime të tjera të ardhshme që vlerësojnë drejtpërdrejt mikrobiomin oral janë të garantuara për të identifikuar bakteret specifike të gojës përgjegjëse për këtë marrëdhënie”.

/GazetaSinjali/


Shpërndaje artikullin