Një pjesë e autostradës Autostrada Arbën Xhaferi do të ketë mbyllje të përkohshme gjatë ditës së sotme për shkak të zhvillimit të Garës Ndërkombëtare të Çiklizmit.
Sipas njoftimit të Ministrisë së Infrastrukturës, kufizimi i trafikut do të vlejë nga ora 13:00 deri në 17:00, në korsinë që shtrihet nga hyrje-dalja në Lipjan drejt Hani i Elezit, deri te hyrje-dalja në Bibaj.
Gjatë kësaj periudhe, automjetet që lëvizin në drejtim të Hanit të Elezit do të devijohen përmes rrugës nacionale Prishtinë–Hani i Elezit.
Autoritetet u kanë bërë thirrje qytetarëve që të respektojnë sinjalizimin e përkohshëm dhe udhëzimet e Policisë së Kosovës për të shmangur vonesat dhe vështirësitë në qarkullim.
Sinjali – aty ku e vërteta flet para lajmit!