Dominik Stillhart, drejtor i operacioneve për Komitetin Ndërkombëtar të Kryqit të Kuq (ICRC), ka folur për evakuimin e civilëve dhe sfidat me të cilat po përballen ata, në programin Today të BBC Radio 4.
I pyetur se çfarë nuk shkon me të ashtuquajturit korridore humanitare, ai tha se ata kishin biseduar me të dyja palët “për ditë të tëra”, por problemet mbetën duke konfirmuar detajet e çdo marrëveshje armëpushimi – për të lejuar civilët të dalin nga qytetet e bombarduara.
Stillhart tha se sfida ishte arritja e dy palëve në një marrëveshje që është “konkrete, e zbatueshme dhe e saktë“.
Ai shtoi se deri më tani ka pasur vetëm marrëveshje “në parim”, të cilat janë prishur menjëherë për shkak të mungesës së saktësisë, sa i përket rrugëve dhe kush mund t’i përdorë ato, shkruan CNN.
Duke ilustruar pikëpamjen e tij, ai tha se disa pjestarë staf të KNKK-së ishin përpjekur të dilnin nga Mariupol përgjatë një rruge të cilën shpejt e kuptuan që ishte e minuar.
“Kjo është arsyeja pse është kaq e rëndësishme që të dy palët të kenë një marrëveshje të saktë që ne të jemi në gjendje ta lehtësojmë atë në terren“, përfundoi Stillhart.
