Kryetari i Bashkisë së Lezhës, Pjerin Ndreu, ka vizituar ish-komandantin e Ushtrisë Çlirimtare të Kosovës, Rexhep Selimi, i cili ndodhet në qendrën e Paraburgimit në Hagë.
Përmes një postimi në rrjetin social Facebook, Ndreu ka thënë se ka qëndruar 5 orë me Selimin, teksa tha se ishte në gjendje të shkëlqyer psikologjike, raporton Gazeta Sinjali.
“Sot ne Hage u takova me Rexhep Selimin, nje nder miqte e mi me te mire dhe nje kontribues pikant I luftes se UCK per clirimin e Kosoves. 5 ore bisede me te pashe mikun tim ne gjendje te shkelqyer psikologjike, I bindur ne pafajesine e tij dhe Hashimit, Kadriut, Jakupit dhe te tjereve qe mbahen padrejtesisht!”, shkroi ai.
Kujtojmë se Selimi është arrestuar nga Zyra e Prokurorit Specialist (SPO) më 5 nëntor 2020.
Bashkë me të janë edhe ish-krerët tjerë të UÇK-së, Hashim Thaçi, Kadri Veseli, Jakup Krasniqi, Hysni Gucati, Nasim Haradinaj, Sali Mustafa e Pjetër Shala.
Prokuroria i akuzon ata për krime lufte dhe krime kundër njerëzimit të kryera nga marsi 1998 deri në shtator 1999 gjatë luftës në Kosovë.
Postimi i plotë i Ndreut:
