Kryeministri i ri i Britanisë së Madhe, Rishi Sunak, e ka zhvilluar vizitën e parë në Kiev të Ukrainës, ku është takuar me presidentin ukrainas, Volodymyr Zelensky.
Një zëdhënës i qeverisë britanike tha se Sunak-u ka udhëtuar për në Ukrainë për t’u takuar me Zelenskyn dhe për ta “vërtetuar përkrahen e vazhdueshme të Mbretërisë së Bashkuar”.
“Britania di se çfarë do të thotë të luftosh për liri. Ne jemi me ju në mënyrë të pakufizuar”- shkroi kryeministri britanik në Twitter në gjuhën angleze dhe në gjuhën ukrainase.
Ai njoftoi se vendi i tij do t’i dhuroj Ukrainës një pako të mbrojtjes ajrore me vlerë të 50 milionë funteve.
Britania e Madhe e ka përkrahur shumë Ukrainën që nga fillimi i pushtimit rus në shkurt. Ish-kryeministri Boris Johnson e kishte vizituar tri herë Kievin që nga fillimi i luftës.