Kompania Rajonale e Ujësjellësit Prishtina ka njoftuar se ka filluar shpërndarjen e ujit për pije me autobot në zonat e prekura, derisa situata të stabilizohet. Autoboti do të vendoset pranë SHFMU “Mihail Grameno” në Fushë Kosovë.
Në një njoftim të mëhershëm, KRU Prishtina informoi se është e detyruar të ndërpresë punën në fabrikën e Shkabajt, e cila furnizon me ujë Fushë Kosovën, Obiliqin, Drenasin dhe lagjen Kalabria në Prishtinë.
Kjo masë ka ardhur si rezultat i punimeve teknike në kanalin e Ibër-Lepencit, të cilat kanë sjellë një nivel të lartë turbullie në ujë, duke bërë të pamundur trajtimin e tij për pije, sipas standardeve dhe teknologjisë që përdor kompania.
Sinjali – aty ku e vërteta flet para lajmit!