Zëdhënësi i Kremlinit, Dmitry Peskov, ka thënë se furnizimi i mëtejshëm i armëve nga perëndimi në Ukrainë do të çojë vetëm në “përshkallëzim të rëndësishëm” të konfliktit.
Kyiv “kërkon gjithnjë e më shumë armë”, tha Peskov në një telefonatë me gazetarët, pasi zëvendësministri i Jashtëm i Ukrainës, Andriy Melnyk, i bëri thirrje Gjermanisë që t’i dërgojë vendit të tij një nëndetëse.
Peskov tha se vendet perëndimore po “inkurajonin këto kërkesa dhe pohon gatishmërinë e tyre për të ofruar armë të tilla”. Ai shtoi:
Është një situatë pa rrugëdalje: çon në përshkallëzim të konsiderueshëm, bën që vendet e NATO-s të përfshihen gjithnjë e më shumë drejtpërdrejt në konflikt – por nuk ka potencial për të ndryshuar rrjedhën e ngjarjeve dhe nuk do ta bëjë këtë.
