Detaje tronditëse kanë dalë nga aksioni i policisë në fshatin Jabllanicë e Vogël të Pejës, ku u zbulua një laborator i mirëorganizuar për kultivimin e drogës.
Siç mëson Sinjali, gjatë bastisjes në pronën e të dyshuarit Haxhi Rexhaj (38 vjeç), janë sekuestruar prova të shumta që dëshmojnë për një aktivitet të strukturuar të prodhimit të narkotikëve.
Këto janë të gjitha që u gjetën dhe u sekuestruan:
- 91 bimë kanabis Sativa, me lartësi nga 0.8 deri në 1.5 metra
- rreth 4 gram marihuanë
- një armë automatike e tipit “Scorpion” me karikator
- një thikë luftarake
- një peshore elektronike
- pajisje për paketimin e substancave narkotike
- një telefon mobil
- pajisje të avancuara për kultivim të brendshëm (ndriçim, ventilim, sistem ujitjeje, termostatë, instalime elektrike)
- preparate dhe pesticide për rritjen e bimëve
Po ashtu, gjatë kontrollit është konstatuar edhe lidhje ilegale me energji elektrike, që dyshohet të jetë përdorur për funksionimin e laboratorit.
Mostrat e bimëve janë marrë për ekzaminim, ndërsa pjesa tjetër është asgjësuar me djegie.
I dyshuari është arrestuar dhe ndodhet në ndalim për 48 orë, ndërsa hetimet janë në vazhdim.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
Sinjali – aty ku e vërteta flet para lajmit!