Ushtruesi i detyrës së drejtorit të Qendrës Klinike, Universitare të Kosovës, Valbon Krasniqi, ka njoftuar se nga nesër pacientët nuk do të presin për kryerjen e rezonancës magnetike.
Kështu ka bërë të ditur Krasniqi përmes një postimi në Facebook, ku ka njoftuar se është arritur të eleminohet në tërësi lista e pritjes.
Njoftimi i plotë:
S’KA MË LISTË TË PRITJES PËR REZONANCË MAGNETIKE.
Nga neser pacientët nuk do të presin më për kryerjen e Rezonancës Magnetike.
Edhe përkundër fokusit në pandeminë COVID-19, me angazhimin menaxherial dhe profesional të stafit të Radiologjisë është arritur të eliminohet në terësi lista e pritjes.
