Ministri i Mbrojtjes, Armend Mehaj, ka thënë se Kosova është e gatshme për ta ndihmuar Shqipërinë dhe Greqinë për shuarjen e zjarreve.
Përmes dy postimeve në rrjetin social Twitter, Mehaj thotë se Ministria e Mbrojtjes dhe ushtria janë gati në çdo kohë për të lehtësuar zjarret.
“Flamuri i Kosovës qëndron me ju dhe do të mbështesë përgjithmonë Flamurin e Shqipërisë”, ka shkruar Mehaj.
The @KOSOVO_MoD and @KSF_Kosova are ready to help @Albania ???????? @Ilirmetazyrtar & @NikoPeleshi at any time to ease the wildfires that have taken over! #Kosovo ???????? stands with you and will forever support #Albania ????????
— Armend Mehaj (@armend_mehaj) August 9, 2021
Tutje, ai ka thënë se shteti i Kosovës është në gatishmëri për të ndihmuar turistët e bllokuar dhe banorët e Greqisë për shkak të zjarreve që janë përhapur në gjithë vendin.
The @MoD and @KSF_Kosova are expressing readiness to help the stranded tourists and residents of @Greece because of the wildfires spread across the country. @RKS ???????? stands with #Greece???????? during this difficult time!
— Armend Mehaj (@armend_mehaj) August 9, 2021
Kurse mediat në Shqipëri kanë shkruar se kreu i Bashkisë së Kukësit, Safet Gjici ka kërkuar ndihmë nga autoritetet e Kosovës pasi situata duket kritike.
Bëhet me dije se shërbimeve zjarrfikëse në Kukës, u janë bashkuar 100 forca nga Kosova, prej të cilëve 50 do të operojnë tek zona e quajtur Laku i Thive dhe 50 do të ndërhyjnë te Qafa e Kumbullës.
