Kryetari i Aleancës për Ardhmërinë e Kosovës, Ramush Haradinaj ka pritur sot në takim ambasadorin e Shteteve të Bashkuara në Kosovë, Philip Kosnett.

Në këtë takim është biseduar për përgatitjet rreth procesit zgjedhor dhe maturinë politike që Kosova ka treguar deri më tani, ka bërë të ditur kreu i AAK-së, Ramush Haradinaj.

“Theksova se bashkërisht, të gjitha partitë duhet të jemi të përkushtuar për një proces zgjedhor fer dhe demokratik, si dhe të fuqizojmë besimin e qytetarëve në institucionet tona”, ka thënë Haradinaj. /Sinjali/