Presidenca Çeke e Bashkimit Evropian ka folur lidhur me procesin e liberalizimit të vizave për Kosovën.
Nga ky institucion evropian kanë deklaruar se janë afër një kompromisi për liberalizimin e vizave.
“Jemi shumë afër një kompromisi në Këshillin e Bashkimit Evropian për çështjen e liberalizimit të vizave për Kosovën. Data me të cilën punojmë është aktualisht 01.01.2024”, thuhet në deklaratë.
Sot në Bruksel është mbajtur edhe një takim i Grupit Punues për Vizat në kuadër të Këshillit të Bashkimit Evropian.
Sipas njoftimin nga agjenda e punimeve të publikuar për sot pika e parë e rendit të ditës ishte diskutimi për liberalizimin e vizave për Kosovën.
Kjo është hera e tretë që Grupi Punues për Viza brenda një muaji diskuton heqjen e regjimit të vizave për shtetasit e Kosovës për në Zonën Schengen, raporton klan.
