Gazeta Sinjali raportoi sot për një aksion të Antidrogës, të zhvilluar në fshatin Bërnicë në Prishtinë, që rezultoi me sekuestrimin e një sasie të marihuanës dhe me arrestimin e një personi të dyshuar. Operacioni i koduar si ‘Transferi’ u zhvillua nga njësitë e Antidrogës në Ferizaj dhe në Prishtinë.
Lajmi tashmë është konfirmuar edhe nga Policia, me ç’rast u bë e ditur se në total kanë kapur 11 kg marihuanë, ndërsa personi i arrestuar ka qenë në kërkim dhe njihet si diller.
“Policia e Kosovës, hetues nga Njësia e antidrogës në Ferizaj pas punës së vazhdueshme profesionale në një rast të mëparshëm ku ishin arrestuar dy persona të dyshuar dhe ishin kapur disa gramë marihuanë, me datë 06.11.2024 kanë vazhduar me punën e tyre në kërkim të personit të dyshuar shitës me ç‘rast gjatë në orët e pasdites gjatë një operacioni taktik të koduar me emrin “Transferi” në funksion të zbatimit të Urdhëresës së Gjykatës Themelore në Ferizaj, ndihmuar edhe nga antidroga në Prishtinë, është realizuar kontroll i një shtëpie me objekte përcjellëse në fshatin Bernicë të poshtme Komunës së Prishtinës.
Gjatë operacionit të kontrollit është gjetur sasi e dyshuar për marihaunë me peshë totale rreth 11 kg, e kamufluar në kavanoz plastik.
Deri në këtë fazë një person është arrestuar, rasti vazhdon të hetohet dhe të gjitha veprimet tjera do të ndërmerren në bashkëpunim me organet e drejtësisë.“
