Kryetari i Komunës së Rahovecit, Smajl Latifi ka marrë vendim që të reduktojë stafin e zyrtarëve komunal, përveç personelit shëndetësor dhe inspektoratit komunal. Kjo pas vendimit të fundit që qeverisë, si masë parandaluese ndaj përhapjes së koronavirusit.

Kjo është bërë e ditur nga vetë kryetari përmes një postimi në rrjetin social Facebook, transmeton Gazeta Sinjali.

“Reduktohet stafi i zyrtarëve komunal në të gjithë sektorët përveç: personelit shëndetësor dhe Inspektoriatit komunal, si masë preventive ndaj infeksionit Corona Virus(COVID -19).

Për çdo plotësim apo ndryshim të këtij vendimi, zyrtarët komunal do të njoftohen me kohë”, ka shkruar Latifi në Facebook.

Më tej, Latifi ka bërë apel që të mos krijohet frikë, por të shtohet kujdesi.

Në Kosovë aktualisht janë konfirmuar 13 raste me koronavirus./Gazeta Sinjali/