Komisioni Evropian dha sot miratimin për përdorimin e vaksinës ndaj COVID-19 të zhvilluar nga kompania amerikane, Pfizer dhe partneri i saj gjerman, BioNTech.

Ky miratim konsiderohet hapi i fundit për të lejuar Evropën të fillojë vaksinimet brenda një jave, shkruan Reuters, përcjell Gazeta Sinjali.

Presidentja e Komisionit Evropian, Ursula von der Leyen, ka thënë se numri i parë i vaksinave do të transportohen nga vendi i prodhimit në ditët në vijim për t’u shpërndarë në të gjithë BE-në.

“Kjo është një mënyrë shumë e mirë për të filluar përfundimisht kthimin drejt një faqe të re ndaj COVID-19”, vuri në dukje ajo, duke shtuar se kjo vaksinë e parë është “një histori e vërtetë evropiane e suksesit”.

Vendet e Bashkimit Evropian duke përfshirë Gjermaninë, Austrinë dhe Italinë kanë thënë se planifikojnë të fillojnë vaksinimet nga 27 dhjetor.

Evropa po përpiqet të “arrijë në hap” me Shtetet e Bashkuara dhe Britaninë ku fillimi i vaksinimit veçse ka filluar.

Ndryshe, Agjencia Evropiane Barnave (EMA) ka rekomanduar më herët përdorimin e vaksinës Pfizer-BioNTech kundër COVID-19 në Bashkimin Evropian.

Pasi shkencëtarët e EMA-s arritën në përfundimin se vaksina është e sigurt, zyrtarët në agjencinë me bazë në Amsterdam rekomanduan miratimin e saj me kusht që ajo të shpërndahej në bllokun e 27 vendeve./Gazeta Sinjali/

We have just authorised the first COVID-19 vaccine!

Following the recommendation of the European Medicines Agency, we have granted a conditional market authorisation for the BioNTech/Pfizer vaccine
#EUVaccinationDays will start soon. pic.twitter.com/FppyImv2jM

— European Commission ???????? (@EU_Commission) December 21, 2020