Aktorja e njohur shqiptare, Adriana Matoshi dhe Keith Groeneveld, vazhdojnë të jenë të shumë-komentuar në mediat rozë.

Së fundmi, aktorja dhe njëherësh deputetja e Kuvendit të Kosovës, mori vëmendjen me një postim në rrjetet sociale, ku i uronte të dashurit të saj ditëlindjen e 22-të.

Ndërkohë, vetëm një ditë më parë, ky çift kremtoi njëvjetorin e njohjes mes tyre – ani pse për publikun lidhja u bë e ditur disa muaj më vonë.

Teksa marrin komente të shumta nga ndjekësit rreth raporteve mes tyre, Adriana dhe Keith hasin shpesh edhe në komente negative, disa prej të cilave nuk ngurojnë t’iu kundërpërgjigjen.

I tillë është rasti i fundit kur Matoshi është përballur me një ndjekëse, e cila i ka komentuar në Instagram, duke e cilësuar dashurinë e çiftit si “jo të sinqertë”.

“Nëse ka dashuri të sinqertë mes jush, atëherë ka me pas dashuri edhe mes meje dhe Samuel Umtitit”, i shkruan komentuesja.

Ndërkohë me të parë këtë koment, Adriana vendosi që komentueses t’i kundërpërgjigjet duke shkruar: “E keqja është se s’po të njoh as ty as Samuelin dhe e mira është që ti kënaqesh t’u frymëzu prej nesh.. Paqe zemër”.

Adriana e ka theksuar shumë herë se nuk i pengojnë fjalët e të tjerëve, duke e cilësuar dashurinë mes saj dhe Keithit si jo të vërtetë./Gazeta Sinjali/