Ushtruesi i detyrës së kryetarit të Organizatës së Veteranëve të Luftës së Ushtrisë Çlirimtare të Kosovës, Faton Klinaku ka ftuar protestuesit për Trustin t’u bashkohen atyre, në protestën e cila po mbahet para Kuvendit të Kosovës.
Klinaku ka theksuar se trusti është i qytetarëve dhe jo i pushtetarëve, shkruan Gazeta Sinjali.
“Trusti është i qytetarëve dhe jo i pushtetarëve, prandaj ata që protestojnë për tërheqje të Trustit, lirisht mund të na bashkohen në protestën tonë sepse në protestën tonë do të ketë përkrahje edhe ndaj tyre“, u shpreh Klinaku.
