Përkundër deklaratave të krerëve të qeverisjes lokale se po punohet shumë që pastërtia të jetë në nivelin e duhur, megjithatë jemi dëshmitarë që mbeturinat janë kudo dhe ato po bëhen edhe rrezik potencial për shëndetin e qytetarëve, raporton Gazeta Sinjali.
Madje jo vetëm që kompanitë e pastrimit nuk po e kryejnë punën e tyre si duhet, duke dështuar sidomos në menaxhimin e tyre, por për mbajtjen e një ambienti të pastër edhe vetëdija qytetare mbetet e ultë duke u bërë shkaktare e kësaj gjendje të shëmtuar.
E një rast i tillë ku kontejnerët shihen se janë stërmbushur nga mbeturinat, është në Fushë Kosovë, ku pamjet në rrugën ‘Arbëria’ janë mjaft të pakëndshme.
Video e mëposhtme tregon më se miri se mbeturinat janë bërë shqetësim i madh për qytetarët tanë, ku kompanitë po dështojnë që t’i largojnë me kohë, duke bërë që ato të hedhën edhe jashtë kontejnerëve.