Vjosa Osmani e cila është kandiduar për kryeministre të Kosovës nga radhët e Lidhjes Demokratike e Kosovës (LDK), ka marrë një pozitë të re në parti.

Lutfi Haziri, ka njoftuar se Osmani është bërë nënkryetare e partisë.

“Vjosa tash ka edhe një pozitë të re në parti. Ajo është zgjedhur nënkryetare e partisë, ndërsa sekretar për buxhet është zgjedhur Lutfi Zharku”, ka thënë Haziri para gazetarëve.

LDK sot ka mbajtur mbledhjen e Këshillit të Përgjithshëm me ç’rast është bërë e ditur që Agim Veliu është zgjedhur nënkryetari i parë i LDK-së.

Vjosa Osmani gjatë ditës së djeshme është kandiduar për kryeministre nga radhët e Lidhjes Demokratike të Kosovës (LDK).