Së fundi Agjencia e Statistikave të Kosovës (ASK) ka publikuar statistikat e Mirëqenies Sociale, ku shihet se Mitrovica është përfituese më e madhe nga skema e ndihmave sociale, shkruan Gazeta Sinjali.
Numri i familjeve që kanë kërkuar ndihmë sociale në tre mujorin e fundit ka shënuar rritje.
24 mijë e 496 familje tani janë pjesë e ndihmës sociale. Gjatë muajve prill, maj, qershor numri i familjeve që kërkuan ndihmë sociale ishte 24 mijë e 339.
Ndërsa Komuna e Mitrovicës ka më së shumti familje që përfitojnë nga skema e ndihmave sociale.
Në statistikat e publikuara shihet se në këtë komunë përfitojnë 2263 familje.
