Në Qendrën e Numërimit dhe Rezultateve ka përfunduar numërimi i votave jashtë Kosovës, të cilat janë dërguar përmes postës në adresë të KQZ-së gjatë periudhës 15 shtator – 15 tetor, për Zgjedhjet Lokale 2021, shkruan Gazeta Sinjali.
Mirëpo në Komunën e Zubin Potokut nuk është dërguar asnjë votë nga diaspora për zgjedhjet lokale të 17 tetorit.
Në këtë qytet ishin tre kandidatë për kryetarë të komunës: Qekin Vesli i Lidhjes Demokratike të Kosovës, Srdjan Vuloviq i Listës Serbe dhe Slavisha Bishevaq nga (GIZP).
Në rezultatin e rregullt këtë komunë e ka fituar Vuloviq i Listës Serbe me 3,210 vota, ndërsa i dyti është Bishevaq me 376 vota.
Ndërkohë edhe në Mitrovicën e Veriut ishte vetëm një votë nga diaspora. Ajo shkoi për kandidatin e VV-së, Erden Atiq, por që nuk ndryshoi diçka sa i përket rezultatit atje.
