Një shofer kamioni me origjinë shqiptare, që udhëtonte në jug në autostradën Brenner u ndalua për një kontroll nga policia e trafikut në barrierën Vipiteno.
Policia italiane gjeti të fshehur në kabinën e kamionit 34 kilogram kokainë.
Shqiptari me banim në Itali, u arrestua dhe ndodhet në burgun e Bolzanos.
Seanca për vërtetimin e arrestit do të mbahet të mërkurën. Sipas mediave italiane droga nuk ishte destinuar për tregun e Tirolit të Jugut.