Kina njoftoi se do të vendosë tarifa të reciprocitetit prej 34% për të gjitha importet nga Shtetet e Bashkuara, duke filluar nga 10 prilli.
E gjithë kjo vjen pas vendosjes nga ana e presidentit amerikan Donald Trump të një tarife shtesë prej 34% për mallrat kineze, një masë që ka rrezik të tensionojë më tej marrëdhëniet tregtare dhe të thellojë luftën tregtare mes dy ekonomive kryesore të botës.
“Kjo praktikë e SHBA-së nuk është në përputhje me rregullat e tregtisë ndërkombëtare, minon seriozisht të drejtat dhe interesat legjitime të Kinës dhe është një praktikë tipike bullizmi e njëanshme”, tha Komisioni i Tarifave të Këshillit Shtetëror të Kinës në një deklaratë duke njoftuar tarifat e saj hakmarrëse.