Nesër pritet të mbahet takimi i ekspertëve të Komitetit për koordinim dhe vlerësim të situatës emergjente me koronavirus, ku ndër të tjera do të vendoset nëse do të lejohet falja e Kurban Bajramit.

Kështu ka bërë të ditur këshilltari i kryeministrit Avdullah Hoti, Xhavit Beqiri, i cili ka thënë se në mbledhjen e djeshme është diskutuar mundësia që të lejohet falja e namazit por vetëm në hapësira të hapua. Mirëpo kjo pritet të vendoset nesër.

“Është diskutuar dje në mbledhje të Komitetit mundësia e lejimit të faljes së namazit të Kurban Bajramit. Ende nuk është marrë ndonjë vendim por ka pasur sugjerime që falja të bëhet vetëm në ambiente të hapura. Megjithatë mesër do mbahet takimi i ekspertëve të Komitetit për koordinimin dhe vlerësimin e situatës emergjente me koronavirus, të cilët do ta vlerësojnë nëse mund të lejohet falja e namazit të Kurban Bajramit apo jo”, ka thënë Beqiri për Gazetën Sinjali.

Hoti dje pas mbledhjes së Komitetit ka paralajmëruar se ditëve në vazhdim do të ketë vlerësim pëfundimtar se a do të merren masa të reja apo do shqyrtohen ato që janë në fuqi./GazetaSinjali/