Pas paralajmërit të masave të reja kundër COVID-19, është kërcënuar kancelarja e Gjermanisë, Angela Merkel.

Policia gjermane ka njoftuar ditën e sotme nisjen e hetimeve, pasi para zyrave të  kancelares u gjet një gur varri i rrethuar me trë ndafila të  kuq dhe qirinj.

Kjo mënyrë e të protestuarit erdhi, ndërsa mijëra demonstrues u përgatitën të mblidhen në qytete të mëdha gjermane përfshirë Shtutgart, Munih dhe Berlin kundër masave të izolimit në shtëpi, shkruajne mediat e huaja.

Guri mbante mbishkrimin: “Liria e shtypit, liria e mendimit, lëvizja dhe Kuvendet – Demokracia 1990-2020”, tha policia në një deklaratë.

Sekretari i Përgjithshëm i partisë CDU të Merkel, Paul Ziemiak, e quajti gurin e varrit para zyrës së Merkel “një veprim me shije të hidhur”. Tashmë Gjermania po përballet me një valë në rritje demonstrimesh nga teoricienët e komplotit, ekstremistët, të cilët kanë alarmuar Merkel dhe qeverinë e saj.

Fillimisht tubimet nisën duke filluar si një grusht protestuesish, që nuk mbështesnin kufizimet e ashpra që miratoheshin për të ndaluar transmetimin e koronavirusit. Por së fundmi protestat janë rritur në javët e fundit dhe marrin pjesë mijëra njerëz nga qytetet më të mëdha gjermane./GazetaSinjali/