Katër migrantë u mbytën dhe një u zhduk në një përpjekje për të arritur në Ishujt Kanare, thanë sot autoritetet spanjolle.

Delegacioni i Qeverisë spanjolle në Las Palmas deklaroi se viktimat ishin pjesë e një grupi prej 34 migrantësh afrikanë që lundronin në një barkë prej druri.

Një anije ngarkese që lundronte nën flamurin e Singaporit ka pranuar 29 të mbijetuar dhe ka tërhequr katër trupa rreth 600 kilometra në jug të Ishujve Kanare./Gazeta Sinjali/