image Karantinohet një fshat në Kinë për shkak të murtajës - Sinjali

COVID-19

Të infektuar

15063

Të shëruar

12570

Të vdekur

613

Karantinohet një fshat në Kinë për shkak të murtajës

news image

Autoritetet lokale në rajonin e Mongolisë në Kinë kanë vendosur një fshat në karantinë, pasi një person vdiq nga murtaja, thanë autoritetet lokale shëndetësore.

Rastet e murtajës në Kinë nuk janë të rralla, por sëmundja po bëhet më e rrallë. Nga 2009 deri në 2018, Kina raportoi 26 raste të murtajës dhe 11 vdekje.

Autoritetet e qytetit Baotou kanë izoluar fshatin ku jetonte pacienti dhe karantinoi kontaktet e tij të ngushta, të cilët aktualisht janë negativë për këtë sëmundje dhe po marrin ilaçe në mënyrë parandaluese.

Qyteti gjithashtu ka shpallur nivelin e dytë të rrezikut nga të katër të mundshëm në rast të një murtaje deri në fund të vitit në rrethin ku ndodhet fshati.

Autoritetet thanë që pacienti kishte një “murtajë të zorrëve”, simptomat e së cilës përfshinin diarre, dhimbje të forta barku dhe ethe.

Murtaja ose vdekja e zezë, siç njihet ndryshe, është një sëmundje vdekjeprurëse e cila shkaktohet nga bakteri Yersina pestis dhe bartet nga pleshtat që mbijetojnë në trupin e minjve dhe në prani kalojnë edhe te njeriu.

Në të kaluarën, murtaja ka shkaktuar vdekje të shumta në të gjithë Evropën për shekuj me radhë./Gazeta Sinjali/


Shpërndaje artikullin